ഒരൊറ്റ മരണം കൊണ്ട്
ജീവപര്യന്തം ഒറ്റപെടലിനു
വിധിച്ചു പോകുന്ന ചിലരുണ്ട്.
ആള്‍ക്കൂട്ടങ്ങള്‍ കണ്ടംഡ് സെല്ലിന്‍റെ
അഴികളാണെന്നു പിന്നെയും പിന്നെയും
ഓര്‍മ്മപെടുത്തികൊണ്ടിരിക്കുന്നവര്‍ .
ഇപ്പോള്‍ നിങ്ങളില്‍ ചിലരെങ്കിലും
ഓര്‍മ്മിച്ചെടുക്കുന്നത്
പിന്‍വാതിലിലൂടെ ഓടാന്‍ ശ്രെമിച്ച്
ഏഴു കുത്തുകളില്‍ കുരുങ്ങി പോയ
ഒരു നിഴലിനെക്കുറിച്ചും ,
കയ്യാമത്തിലൊതുങ്ങി ജീവപര്യന്ത്യം
തേടി പോയ ഒരു കത്തിയെക്കുറിച്ചുമായിരിക്കും.
അല്ലെങ്കില്‍,
മകളെ സീരിയല്‍ കാണിക്കാന്‍ പോയ
ഒരച്ഛന്‍റെ ജീവപര്യന്തമായിരിക്കും.
തെറ്റി,
തീര്‍ച്ചയായും നിങ്ങളില്‍ ചിലര്‍ക്ക് തെറ്റുപറ്റി.
നിയമത്തിന്‍റെ ജീവപര്യന്തത്തെക്കുറിച്ചല്ല ,
നിയമത്തില്‍ വിശ്വാസകുറവുണ്ടോ ?
എന്നുള്ള ചോദ്യം ഇപ്പോള്‍ ചോദിക്കരുത് .
പക്ഷെ പരോളുകള്‍ നിയമത്തിന്‍റെ
ഒരു നല്ല കണ്ടു പിടുത്തം തന്നെയാണ് .
പനിച്ചു വിറക്കുമ്പോള്‍ നെറ്റിയില്‍
തൊട്ടു തലോടിയിരുന്ന
അമ്മ വിരലുകള്‍
ഒരു കൈ വീശല്‍ പോലുമില്ലാതെ,
വെന്ത ചോറ് വിളമ്പി തരാതെ
അലക്കിയ ഷര്‍ട്ട് തേച്ചു തരാതെ ,
ഫോണിലെ മിസ്ഡ്‌ കാളില്‍
അവളുടെ പേര് കാണുമ്പോള്‍
രണ്ടിനേം ഞാന്‍ ശെരിയാക്കുമെന്ന് പറയാതെ
ഒന്നുമൊന്നും
പറയാതെ ,
ചെയ്യാതെ ,
നിശ്ചലമാവുമ്പോള്‍ മാത്രം
പരോളുകള്‍ ഇല്ലാതെ
ജീവപര്യന്തം തടവിലാക്കപെടുന്നവരെക്കുറിച്ചാണ്...
അടഞ്ഞ വാതിലിലിലേക്ക്
കയറി ചെല്ലുമ്പോള്‍
എന്ത് വിളിക്കണമെന്നറിയാതെ
വിങ്ങി പൊട്ടുമ്പോള്‍
എന്ത് വിളി കേള്‍ക്കുമെന്നൊരു വീട്
അലറി പിടയുമ്പോള്‍
ജീവപര്യന്തം തടവിലായി പോകുന്ന
പരോളുകളില്ലാത്തവരെക്കുറിച്ചാണ്......
അല്ലെങ്കില്‍ നിങ്ങള്‍ക്ക് ഒറ്റവാക്കില്‍
ഇങ്ങിനെ വായിക്കാം ,
"അമ്മയില്ലാത്തവരെക്കുറിച്ച് ".
ജീവപര്യന്തം ഒറ്റപെടലിനു
വിധിച്ചു പോകുന്ന ചിലരുണ്ട്.
ആള്‍ക്കൂട്ടങ്ങള്‍ കണ്ടംഡ് സെല്ലിന്‍റെ
അഴികളാണെന്നു പിന്നെയും പിന്നെയും
ഓര്‍മ്മപെടുത്തികൊണ്ടിരിക്കുന്നവര്‍ .
ഇപ്പോള്‍ നിങ്ങളില്‍ ചിലരെങ്കിലും
ഓര്‍മ്മിച്ചെടുക്കുന്നത്
പിന്‍വാതിലിലൂടെ ഓടാന്‍ ശ്രെമിച്ച്
ഏഴു കുത്തുകളില്‍ കുരുങ്ങി പോയ
ഒരു നിഴലിനെക്കുറിച്ചും ,
കയ്യാമത്തിലൊതുങ്ങി ജീവപര്യന്ത്യം
തേടി പോയ ഒരു കത്തിയെക്കുറിച്ചുമായിരിക്കും.
അല്ലെങ്കില്‍,
മകളെ സീരിയല്‍ കാണിക്കാന്‍ പോയ
ഒരച്ഛന്‍റെ ജീവപര്യന്തമായിരിക്കും.
തെറ്റി,
തീര്‍ച്ചയായും നിങ്ങളില്‍ ചിലര്‍ക്ക് തെറ്റുപറ്റി.
നിയമത്തിന്‍റെ ജീവപര്യന്തത്തെക്കുറിച്ചല്ല ,
നിയമത്തില്‍ വിശ്വാസകുറവുണ്ടോ ?
എന്നുള്ള ചോദ്യം ഇപ്പോള്‍ ചോദിക്കരുത് .
പക്ഷെ പരോളുകള്‍ നിയമത്തിന്‍റെ
ഒരു നല്ല കണ്ടു പിടുത്തം തന്നെയാണ് .
പനിച്ചു വിറക്കുമ്പോള്‍ നെറ്റിയില്‍
തൊട്ടു തലോടിയിരുന്ന
അമ്മ വിരലുകള്‍
ഒരു കൈ വീശല്‍ പോലുമില്ലാതെ,
വെന്ത ചോറ് വിളമ്പി തരാതെ
അലക്കിയ ഷര്‍ട്ട് തേച്ചു തരാതെ ,
ഫോണിലെ മിസ്ഡ്‌ കാളില്‍
അവളുടെ പേര് കാണുമ്പോള്‍
രണ്ടിനേം ഞാന്‍ ശെരിയാക്കുമെന്ന് പറയാതെ
ഒന്നുമൊന്നും
പറയാതെ ,
ചെയ്യാതെ ,
നിശ്ചലമാവുമ്പോള്‍ മാത്രം
പരോളുകള്‍ ഇല്ലാതെ
ജീവപര്യന്തം തടവിലാക്കപെടുന്നവരെക്കുറിച്ചാണ്...
അടഞ്ഞ വാതിലിലിലേക്ക്
കയറി ചെല്ലുമ്പോള്‍
എന്ത് വിളിക്കണമെന്നറിയാതെ
വിങ്ങി പൊട്ടുമ്പോള്‍
എന്ത് വിളി കേള്‍ക്കുമെന്നൊരു വീട്
അലറി പിടയുമ്പോള്‍
ജീവപര്യന്തം തടവിലായി പോകുന്ന
പരോളുകളില്ലാത്തവരെക്കുറിച്ചാണ്......
അല്ലെങ്കില്‍ നിങ്ങള്‍ക്ക് ഒറ്റവാക്കില്‍
ഇങ്ങിനെ വായിക്കാം ,
"അമ്മയില്ലാത്തവരെക്കുറിച്ച് ".
