ചില ഫോട്ടോസ്റ്റാറ്റുകള്‍

ചാറ്റില്‍ നിന്നിപ്പോളങ്ങ്
ഓടി കേറിയതെ ഉള്ളു
ഏകദേശം എത്ര ആഴമുള്ള
കവിതയാണെന്നവള്‍ പറയാന്‍
തുടങ്ങുമ്പോഴേക്കാണ് ബസ് വന്നത്.

കിളിയും കണ്ടക്ടറും
പറയുന്നത് കൊണ്ട് മാത്രമാണ്
മുന്നിലേക്ക്‌ മുന്നിലേക്ക്‌ വരുന്നത്.
ഉരച്ചു ഉരച്ചു ഉറക്കുമ്പോഴേക്കും
ഒരു ബെല്ലോ ,ഒരു നോട്ടമോ
തളര്‍ത്തി കളയുന്നുമുണ്ട് .
എന്നാലും ,
പോട്ടെ പോട്ടെ എന്ന് ക്ഷമിക്കുന്ന
ചില ചന്തികള്‍
പിന്നെയും പ്രതീക്ഷകളാണ്.

മരിയുടെയോ ,ഷക്കീലയുടെയോ
സിനിമകള്‍ ക്യൂ നിന്ന്
വിജയിപ്പിച്ചിരുന്നത്‌
നിര്‍ത്തിയതറിയാത്ത
ചില പെണ്ണുങ്ങള്‍
മറൈന്‍ ഡ്രൈവില്‍
പൊക്കി കാണിച്ചതിനെക്കുറിച്ചുള്ള
ചര്‍ച്ചയില്‍ ഒരു കമ്മെന്റ്റ്
തയ്യാറാക്കേണ്ടതുണ്ട് .


പ്രവാസി ഭര്‍ത്താവ്‌
ലീവില്‍ വരുമ്പോള്‍
നശിച്ചു പോകുന്ന
ചാറ്റ് പൂക്കളുണ്ട് മുറ്റത്ത്‌,
പറിച്ചു കളഞ്ഞ്
പകരം,
കവിതയിലേക്ക്
നീന്തി തുടങ്ങുന്ന
കുഞ്ഞു മീനുകള്‍ക്ക്
ബിംബങ്ങളെ ചാറ്റില്‍
കൊളുത്തി വെക്കണം .

പേരിനോടൊപ്പം പടം
വേണ്ടെന്നുപദേശിച്ച്
അളവെത്രയാണെന്ന്
സ്ക്രീന്‍ഷോട്ട് വരാതെ ചോദിക്കണം
ഉദ്ദാരണം സദാചാരപരമല്ലെന്നും
ബയോളജിക്കല്‍ പ്രോഗ്രാമിംഗാണെന്ന്
സ്വയംഭോഗത്തിലൂടെ കണ്ടെത്തുകയും
ചെയ്യുമ്പോള്‍
സ്ത്രീപീഡനത്തിനെതിരെ
ചെയ്യാവുന്നതെല്ലാം ചെയ്ത
കൃതഞ്ജത ബാത്ത് റൂമില്‍
ഫ്ലെഷ് ചെയ്യപെടുന്നു .